Kven fortener ein Vrimmelpris?
På NæringsVrimmel 28. august skal me løfta fram nokre av dei som er med på å skapa eit sterkt og framtidsretta næringsliv i Indre Vestland.
Denne kvelden deler me ut tre prisar til menneske og verksemder som har utmerkt seg innan verdiskaping, nyskaping og leiarskap.
Kvar prisvinnar får ein gåvesjekk på 5 000 kroner frå Vekselbanken.
No treng me hjelp til å finna dei rette kandidatane. Du kan senda inn forslag på éin eller fleire kandidatar, saman med ei kort grunngjeving.
Årets jury er styret i Indre Vestland Næringsråd.
Årets Verdiskapar
Går til ei verksemd som har utmerkt seg gjennom verdiskaping i Indre Vestland.
Juryen vil leggja vekt på:
arbeidsplassar og verdiskaping i regionen
positiv og berekraftig utvikling over tid
evne til omstilling
lokale ringverknader
samfunnsansvar og bidrag til lokalsamfunnet
positiv profilering av Indre Vestland
Årets Nyskapar
Går til ei verksemd, ein organisasjon eller ein person som har tenkt nytt og skapt nye moglegheiter.
Juryen vil leggja vekt på:
nye produkt, tenester eller løysingar
kreativitet og evne til å tenkja nytt
gjennomføringskraft
potensial for vekst og marknad
berekraft
positive ringverknader i regionen
Årets unge leiar
Går til ein ung leiar som har utmerkt seg gjennom godt leiarskap og bidrege positivt til utviklinga av verksemda.
Juryen vil leggja vekt på:
evne til å skapa engasjement og byggja lag
gode resultat
utvikling og involvering av medarbeidarar
tydeleg og tillitsfullt leiarskap
mot til å ta ansvar og stå i krevjande situasjonar
bidrag til utvikling av verksemda
Kandidaten må vera under 40 år.